Sunday, October 3, 2010

Ikalawang Bahagi ng Lektyur sa Wastong Gamit ng Bantas (Ikalawang Taon: II-Malvar, II-Dagohoy, at II-Aguinaldo)

G. Gatlang ( - )
ginagamit ang Gatlang
1. upang ipakita ang sakop ng bilang, petsa, oras.

halimbawa:
1991 - 1998

2. upang ipakita na wala pang tiyak na petsa kung hanggang kailan, subalit alam kung kailan nagsimula.

halimbawa:
(1938 - )

3. upang ipakita ang biglang tigil at maipokus sa dagdag na bagay o kaalaman ang pahayag.

halimbawa:
Maaaring ang pinakaugat ng konseptong ito ay ang ating matandang sistema ng pagsulat - ang Alibata.

H. Tandang Pandamdam (!)
ginagamit ang tandang pandamdam

1. sa hulihan ng salita, kataga, parirala o pangungusap na nagsasaad ng pagkabigla o pagkagulat.

halimbawa:
Sobra ka naman!
Aray!

I. Panaklong ()
ginagamit ang panaklong o parenthesis

1. na pangkulong sa orihinal na salitang binigyan ng katumbas kung ang salitang itinumbas ay noon lamang ginamit o may ibang katumbas sa ibang konteksto. Ang pagpapaloob sa loob ng panaklong sa orihinal na salita ay ginagawa sa unang pagbanggit ng pagtutumbas na ginawa.

halimbawa:
Ang blangkong pahina (flyleaf)ang bahagi ng aklat na walang nakasulat.

2. na pangkulong ng numero o letra sa isang enumerasyon.
halimbawa:

(A) Wikang Pambansa
(B)Wikang Opisyal
(1) Filipino
(2) Ingles

3. na pangkulong sa taon at pahina na binaggit na

halimbawa:
Ayon kay S.C. Samonte (1989:445), ang tawag na chamber theater ay walang katumbas sa Filipino.

4.na pangkulong sa paliwanag sa isang bahagi ng pangungusap o ng buong pangalan o kahulugan ng isang akronim.

halimbwa:
Hindi pinalitan ang qualification standard (gaya ng sinasabi ng iba) para sa posisyong LS (Linguistic Specialist); ginawa lamang itong higit na malinaw at makatotohanan.

J. Kudlit (')

ginagamit ang kudlit o apostrophe

1. bilang pamalit sa nawawalang letra kapag may dalawa o higit pang salitang pinagsama.

halimbawa:
wika't panitikan

2. K. Panipi ("")
ginagamit ang panipi

1. upang kulungin ang tuwirang sinabi ng nagsasalita.
halimbwa:

"Magparaya! Isipin mo na lang na dumagsa ang mga kamag-anak ng buwaya,"wikang may mahinahong ngiti ni Tandang Selo.

2. upang kulungin ang isang pamagat ng isang artikulo o kwento na hango sa isang katipunan.

halimbawa:
Ilan sa mga kwentong nakapaloob sa Umaga sa Dapithapon at Iba pang mga Akda ni S.P. Bisa ay ang "Ulan."

(Pansinin na ang tuldok ay inilalagay bago ang panghuling panipi. Gayundin ang kuwit, tandang pananong, tandang pandamdam)






Inihanda ni:

Bb. Shiela Gito
Guro, Filipino II

No comments:

Post a Comment